Benutzer:Mucalex/D' Boárisch-Östarräichische Schbrååch

Verbreitungsgebiet des Bairisch-Österreichischen

Åigemeines:

's Boarische is a Grubbm vau Dialekde im Südn vaum deitschn Språåchraum. Dazua ghern de Mundortn voigenda Gebiete:

• Obabaiarn
• Niedabaiarn
• Obapfåizz
• Östarreich mid da Ausnåhm vau Vorarlberg undm tirola Aussafern
• Südtiroi mid de Schbråchinsln im Trentino und Obaitalien
• Sammaun in Graubündn (Schweiz)

Ehemålige Schbrååchgebiete san Süd- und Westböhmen (heidztåg wird nur no vau ààna glàànen Mindaheit boarisch durt gschbrochn)

s' boarische ghert zåmmen midm Schwäbisch-Alemannischn zua de obadeitschn Dialekde vaum Hochdeitschn.

In da Schbrååchwissnschåfd wird da Befriff "Boarisch" firn Dialekd in de obm gnånntn Gebiete gnuzzd, um nèèd in an begifflichn Konflikd midm heitign Schdåådsgebiet vau Baiarn zkemma, weil in Baiarn neba da boarisch-rèèdendn Bevöökarung no fränkisch, schwäbische und sudetndeitsche Bevöökarungsgrubbm dazua kèmman, dè nèèd boarische Dialekde rèèdn. In da hochdeitschn Schreibweis vau Baiarn "Bayern" is da Buachschdåb "Y" erscht durchn "helenophilen" Wittelsbacher firs gwågsene Schdååtsgebüide êîgfirt worn.

Lautgeogràfische Êîdeilung:

• Nordboarisch: im greßdn Deil vau da Obapfåizz (Ausnåhm: Rengsburg und da Umgebung) undm nördlichn Niedabaiarn.
• Middlboarisch: Niedabaiarn, Obabaiarn, südliche Obapfåizz, Obaöstarreich, Niedaöstarreich, Wean unds Burnglånd

s' Middlboarische låsst se untagliedan ins Westmiddlboarische (àà Åidboarisch gnånnt) unds Ostmiddlboarische (àà Donauboarisch gnånnt). De Grénzz zwischn west- und ostmiddlboarisch (vui geng vüü) vaschiabd se untam Êîfluss vaum weanarischn åimèlich zua Schdåådsgrenzz zwischn Östarreich und Deitschlånd hi. De Dialekde vau Mingga und Wean göitn gwissamåßn åis "Baradedialekde" firs west- und ostmiddlboarische.

• Südboarisch: in Tiroi, Kärntn und da Schdeiamork
• Üwagångsdialekde: gånz auffellige Üwagångsdialekde san zum Beischbüi im südlichn Såizburgalånd zfindn, wo südboarische- und middlboarische Merkmåle aufaranånda dreffm.